1483. November 8. Breslau

Nicolaus Tawchan Decretorum doctor Canonicus et Officialis Wrat. Discreto domino . . Capellano in Tczernowunß et presentibus requisitis Salutem in domino. Mandamus vobis quatenus peremptorie moneatis Religiosum virum d. Johannem Heylige Symon prepositum ibidem in Tczernawunß ut infra octo dies a vestra monicione ipsi facienda Venerabiii et Religiosis viris d. Abbati et Conventui Monasterii S. Vincencii ante Wrat. de censibus claustralibus sibi in terminis lapsis debitis Satisfaciat cum effectu ut tenetur. Alioquin extunc huiusmodi monicionis termino lapso ac alias exigente iusticia ipsum excommunicamus dei nomine in hiis scriptis. Quem sic excommunicatum singulis diebus dominicis publicetis tandiu donec a nobis fuerit absolutus. Datum Wrat. die octava mensis Novembris Anno domini mcccclxxxiii. Litteram reddite sigillatam diem execucionis ad eandem consignando.
Execucio facta est per me fratrem Monasterii in Tczernawunß ipso die sancti Andree apostoli (Nov. 30).

Siegel, das einen Vogelkopf darstellt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.